జగనన్న ఓ జగనన్న

 జగనన్న ఓ జగనన్న 

మా రాజన్న కొడుకు అని నెత్తిన పెట్టుకుంటే 

నీ హాయంలో గ్రామము, పట్టణము, నగరము ఆధిపత్యాలతో కోపతాపాలతో దద్దరిల్లే…. 

మళ్లీ ఫ్యాక్షనిజంతో కూడిన రెడ్ల రాజ్యం వచ్చే..

ఏమి చూసి ఎంపీ టికెట్లను, ఎమ్మెల్యే టికెట్లను, 

పార్టీ ప్రతినిధులను, కార్యకర్తలను ఎంపిక చేశావో 

వాటికి సంబదించిన రకరకాల 

ప్రశ్నలు అనుమానాలు కలుగుతున్నాయి 

నీవేమో మా మధ్యకు రావు

కానీ 

నీకు ప్రతినిధిగా మంత్రులు వచ్చి 

వారి రౌడీయిజం, బూతు పురాణాలతో 

రాష్ట్రము, పట్టణము, నగరము ఏలుతుంటే…

మంత్రికి ప్రతినిధిగా వాలంటీర్ 

కాలనీలను గ్రామమును ఏలబట్టే…

వాలంటీరే గ్రామ సర్వాధిపతి అయ్యే ….

ఇంగ్లీషులో పేరు కూడా రాయలేని వారిని 

వాలంటీర్ గా చేసి 

ఉద్యోగులపై తన జ్ఞానాన్ని రుద్దే విధంగా వారిని 

నీవే ఉసిగొలుపుతివో వారే స్వయంగ రెచ్చిపోతున్నారో 

అసమంజసంలో  ఉన్నాము ప్రజలంతా...

పేదరికంను ఆసరాగా తీసుకుని 

చదువుకున్న వారికి పప్పులు-బెల్లంతో పోరు మాన్పి

పార్టీ నాయకుల వెంటే తిప్పుకుంటివి.

సర్కారుబడులను తగ్గించి 

ఉద్యోగాలను కుదించి

ఉద్యోగ నోటిఫికేషన్ లేకుండా చేసి

చదువుకు విలువను తగ్గించి

 దౌర్జన్యానికే పెత్తనం కట్టి

గ్రాడ్యుయేట్లు చదువు వదిలేసి

 నీ వెంట తిరిగేట్టు చేసి

ఉద్యోగాలను కీలుబొమ్మలుగా చూపించితివి

పైసా లోనే పరమాత్మ ఉన్నాడని 

దౌర్జన్యం లోనే హుందాతనం ఉన్నదని

చదువుకున్న వాడి పని 

గాడిద చేసే పనితో సమానం అని

వింతైన ఉదాహరణలతో ప్రదర్శించితివి

ప్రపంచంలో కొత్త చరిత్రను సృష్టించితివి

 

ఆఖరుకు నీవే చతికిల పడితివి…