అభివృద్ధికి మూలం చదువు.

 అభివృద్ధికి మూలం చదువు. 

ఏ రంగంలో అభివృద్ధి చెందాలన్నా  అవసరం విద్య. 

వ్యక్తి వికాసం, ప్రకృతి వనరుల వినియోగం , సమాజ ప్రగతి

 సాధ్యమవుతుంది విద్య వల్లే  .

మనిషికి గౌరవం గుర్తింపు వస్తుంది విద్య వల్లే . 

చదువు విపులంగా సమగ్రంగా 

సక్రమంగా వేగంగా నేర్పడానికి  కావాలి గురువు. 

 విద్యతో పాటు బుద్ధి సంస్కారం నేర్పాలి గురువు . 

గోదావరి , కృష్ణ ధవలేశ్వరం 

ప్రకాశం బ్యారేజ్ నాగార్జునసాగర్ 

మొదలైన గోదావరి జిల్లాల జీవనశైలిలో 

మార్పులకు  కారణం కాటన్ దొర జ్ఞానమే

అందువల్ల కాటన్ దొర  కొలువైనారు ప్రజల హృదయాల్లో.... 

అపారమైన ఖనిజ సంపద పారిశ్రామికంగా ఉపయోగించుకుని

 ఆర్థిక అభివృద్ధి సాధించాలని  అన్నారు ఆయన...

అంబేద్కర్ 

గ్రామాలలో ప్రజలు అభివృద్ధి చెందాలంటే 

ఉండాలి మేధాసంపత్తి గల మానవ వనరులు 

విజ్ఞానం మేధావితనం  

అవి  సాధ్యమవుతుంది విద్య వల్లే....

చదువులమ్మ ఒడిలో విలువలతో కూడిన విద్య 

నేర్చుకోవాల్సిన విద్యార్థులు 

అమానవీయంగా ప్రవర్తించడం, విద్యను పెడచెవిన పెట్టడం

నిదర్శనం సమాజంలో విలువల పతనానికి ....

 అవతల వారిని మానసిక క్షోభకు గురి చేసి 

తాను పతనమై ఇతరులను పతనం చేసి

పైశాచిక ఆనందం పొందే చర్యలు మారేదెన్నడో.

"ఒక దేశానికి గాని జాతి గానీ సంఖ్యా బలం ఒక్కటే చాలదు వారు అప్రమత్తులై విద్యావంతులై 

ఆత్మగౌరవంతో ఆత్మవిశ్వాసంతో ఉండాలి ...

అప్పుడే ఆదేశం జాతి బాగుపడుతుందని

 ఉదహరించిన అంబేద్కర్ స్ఫూర్తి తో 

ఎస్సీ ఎస్టీ ఓబీసీ ల మధ్య ఐక్యత కొరకు 

జ్ఞాన సముపార్జన కొరకు 

విద్యతో జ్ఞానమును సంపాదించి

అసమానతలను ప్రశ్నించాలి...