అటువంటి చావులు రావు ఎందుకో అని…..

అటువంటి చావులు రావు ఎందుకో అని…..

కర్ణాటక రజోత్సవం ఆ రోజు 

సెలవు దినం అది 

బారెడు పొద్దొచ్చినాక నిద్ర లేచా

ఉదయం పస్తూ ఉన్న

వంట చేయడంలోనే మధ్యాహ్నం అయ్యింది 

మధ్యాహ్నం సమయం ఒకవైపు 

కడుపులో ఎలుకలు పరిగెడుతున్నాయి 

ఆకస్మాత్తుగా వచ్చింది వాట్సాప్ మెసేజ్ నోటిఫికేషన్ 

మా ఊరి ఒక పేద స్వాభిమాన రైతును 

గుర్తుతెలియని కారు ఢీకొనడం వలన 

మరణించాడని 

చదివాక ఎంతో కలిగింది బాధ 

ఆ క్షణంలో నా మనసుకు వచ్చిన 

మొదటి ఆలోచన ఊరిలో ఎంతోమంది 

ఇతరులను ముంచి బతికే వాళ్ళు 

ముసలోల్ల పింఛన్లు, రైతు భరోసా వంటి 

ప్రభుత్వ పథకాల డబ్బులను 

ఇతరులను ముంచి కాజేసిన డబ్బులను

వాటాలుగా చేసుకొని బ్రతికే 

లుచ్చా గలీజ్ కొడుకులకు 

అటువంటి చావులు రావు ఎందుకో అని…..