రిజర్వేషన్లు .... రిజర్వేషన్లు..-Ravan MD

రిజర్వేషన్లు రిజర్వేషన్లు అని 

ఈర్ష్య పడుతూ కించపరుస్తారేమీ మమ్మల్ని 

రిజర్వేషన్లు అనేవి దయా దాక్షణాలకై 

 మమత-అనురాగాలకై , 

 ప్రేమ-స్నేహంతో ఇచ్చినవి కాదే  ..

రిజర్వేషన్లు అనేవి మీ వంశ పూర్వికులు 

వారి దౌర్జన్య ,దోపిడీలకు 

చిత్ర -విచిత్ర పరిహాసాలకు ,వింత చేష్టలకు 

వంకర మాటలకు, చిత్రహింసలకు 

అత్యాచారాలకు, మానభంగాలకు 

బలవంతంగా విధించిన శిక్షలకు 

పరిహారంగా 

దేశంలో సమానత-సమైక్యత పెంచడానికి 

ఇచ్చినటువంటి వడ్డీలే..

ఆ వంశ వారసులారా ఇప్పుడు

అసలును ఏ రూపంలో,

 ఎప్పుడు ఇస్తారో చెప్పండి 

 ఆనాడు విలువలు మాట్లాడి 

ఈనాడు లెక్కలు అడుగుతూ 

పుండు మీద కారం చల్లడం 

ఎంత సబబో తెలుసుకొని 

మాతో కలిసి మమ్మల్ని బ్రతకనివ్వండోయ్

కుళ్ళు కుతంత్రాలతో బ్రతకాలనుకున్న 

విషపురుగులాంటి వివేక విజ్ఞానవంతులారా…..