వేకువజాము స్వప్నం

 బెంగళూరు అనే టౌన్ లో  నిర్మల , తన ఏడేళ్ల పాపతో  కలిసి  ఉండేది.

బిడ్డ కడుపులో ఉండగానే తన భర్త అకస్మాత్తుగా చనిపోతాడు,దాంతో 

నిర్మల ఒంటరిగా మిగిలిపోతుంది.

 

నిర్మలాకు నా అనే వారు కూడా ఎవరూ లేకపోవడంతో తన బిడ్డే తన సర్వస్వం అనుకుని తన బిడ్డ కోసమైనా బ్రతకాలని అనుకుంటుంది.

నిర్మల ఒక చిన్న ఫ్యాక్టరీలో పనిచేస్తూ 

తన పాపని చాలా బాగా చూసుకుంటూ ఉండేది, అకస్మాత్తుగా నిర్మల కూడా 

అనారోగ్యంతో మంచాన పడుతుంది.

పాప ఆలనా పాలనా చూసేవాళ్ళు

 కూడా ఎవరూ లేరు.నిర్మల ఒకవైపు తనకు ఎలాంటి వ్యాధి వచ్చిందో తెలియక నరకయాతన అనుభవిస్తూ తన కూతుర్ని అనాథలా 

ఉండటం చూసి కన్నీరుమున్నీరుగా

ఏడ్చేది.

ఒకరోజు 

ఒక స్వామిజీ నిర్మల ఇంటివైపుగా వెళ్తూ

నిర్మలకు ఉన్న సమస్యను గ్రహించి

తనకు సహాయం చేయాలని అనుకుంటాడు,

 నిర్మల  తన పరిస్థితి గురించి

 స్వామీజీకి మొత్తం వివరిస్తుంది.

 స్వామీజీ నిర్మలకు చెబుతూ

 అమ్మా నీకు వచ్చింది జబ్బు కాదు,

  ఒక ఆత్మ ఈ గతి పట్టించింది

 అని చెప్పాడు.

 అది విన్న నిర్మల భయంతో కూడిన

 ఆశ్చర్యంతో ఆ స్వామీజీని చూస్తూ

  ఉండిపోయింది.

  తరువాత తేరుకుని ఏంటి స్వామీ

  మీరు చెప్తున్నది అని దీనంగా

 అడుగుతుంది,

  అప్పుడు స్వామీజీ నేను చెప్తున్నది

  అక్షరాల నిజమమ్మా అని  

  నిర్మలకు చెప్పాడు. 

 కానీ స్వామీ నేను ఎవరికి    ఎలాంటి             అన్యాయం చేయలేదు

 నాకెందుకు ఈ శిక్ష అని అడిగింది.

 అప్పుడు స్వామీజీ  నీ ప్రశ్నకి 

 సమాధానం ఆ ఆత్మనే అడుగు అని 

 మంత్రం జపించి ఆత్మను ఆవాహణం

 చేసి నిర్మల ముందు ఉంచుతాడు.

ఆ ఆత్మని చూసి నిర్మల ఆశ్చర్యపోతుంది,

ఆ ఆత్మ తన స్నేహితురాలు

"అరుణ" .

 నిర్మల అరుణని చూస్తూ

 నేను నీకు ఏం అన్యాయం చేశానని 

 నాకు, నా బిడ్డకు ఇలాంటి గతి

 పట్టించావ్ అని ప్రశ్నిస్తుంది,

 అది విన్న అరుణ ఇల్లు

 ప్రతిధ్వనించేలా నవ్వుతూ

 నేను ఇలా ఆత్మగా మారటానికి

  నువ్వు నీ భర్త అశోక్ఏ కారణం,

నేను అశోక్ ని ప్రాణంగా ప్రేమించాను,

కానీ అశోక్ నన్ను కాదని నిన్ను ప్రేమించాడు,

నిన్ను పెళ్లి  చేసుకున్నాడు.

 ఇది చూసి తట్టుకోలేక నేను  ఆత్మహత్య

 చేసుకుని చనిపోయాను .

 మీరు పెళ్లి చేసుకుని సుఖంగా ఉన్నారు.

 అశోక్ ని నాకు దక్కకుండా 

 చేసిన నీకు మనశాంతి లేకుండా 

 చేయాలనుకున్నాను .

  అందుకే నా అశోక్ ని నాతోపాటు

  తీసుకెళ్లిపోయాను ,నువ్వు ఒంటరిగా

  మంచాన పడి నీ బిడ్డ పరిస్థితి చూడలేక నరకయాతన 

  అనుభవిస్తుంటే అది చూసి నేను 

   చాలా ఆనందించాను, ఇంకా నీకు

   ముప్పతిప్పలు పెట్టి నా ప్రతీకారాన్ని తీర్చుకుంటాను అంటూ భయంకరంగా నవ్వుతుంది.

   

   ఇదంతా విన్న స్వామీజీ ....నీ ఆటలు నా దగ్గర సాగవు ఇకనైనా బుద్ధి తెచ్చుకుని

   ఈ అమ్మాయిని విడిచిపెట్టు అని

   హెచ్చరిస్తాడు ,కానీ అరుణ 

   నేను వదలను అని గట్టిగా అరుస్తుంది .

స్వామీజీ అరుణ ని తన మంత్ర శక్తితో

  నిర్మల శరీరం నుండి తరిమేస్తాడు.

  స్వామీజీ  తనకు చేసిన సహాయానికి చాలా సంతోషించి కృతజ్ఞతలు చెప్తుంది.

కొన్ని రోజుల తరువాత  నిర్మల పూర్తిగా

అనారోగ్యం నుండి కోలుకుంటుంది.

 తన బిడ్డకి నాన్న ప్రేమ  అవసరం అని

నిర్మల ఇంకొక పెళ్లి చేసుకోవాలని

నిర్ణయించుకుంటుంది.

అనుకున్నట్టుగానే తనకు

నచ్చిన వ్యక్తి ని పెళ్లి చేసుకుని

తన భర్త, పాపతో కలిసి సంతోషంగా ఉంటుంది.