కులవృత్తి

 #కులవృత్తి

మా బతుకులంతా

గీ కులవృత్తి

జేసుకుంటనే

గడిచిపాయే..

మీ చెప్పులు

కుట్టనీకి,

మీ ఇంటి ముంగల

మోరీలు తీయనీకి,

మీ పొలాల్లో

ఎట్టిచాకిరికీ,

మీరు చస్తే

బొంద తీయనికీ,

మీ సావులకు

డప్పు కొట్టనీకీ,

ఓ కులవృత్తోడు

కావాలే..

అయ్యా సామీ

అయ్యా దొర

మీ చెప్పులకి 

సరే,

మీ మొరీలు తీయనికీ

సరే,

మీ ఇంట్లా, పోలాల్ల

ఎట్టిచాకిరికీ

సరే,

మీ సావులకి డప్పులు గూడ

సరే,

మరే...

మరే..

మా కులవృత్తేమో

బొంద పెట్టుడాయే

మరి బొంద పెట్టాలన్నా..

కాస్టం పెట్టాలన్నా..

మీరు జల్ది జల్ది సావాలే

గదా..

మీరు సస్తేనే గదా

మా కులవృత్తి 

నడిసేది..

అయ్యలు

ఇంక మా బతుకులతో

చాకిరీలు చేపించుకున్నది సాలు గానీ

జర గా

సావుడెందో కానియ్యిర్రి

కులవృత్తి లేక

చేతుల చిల్లి గవ్వ లేకపాయే..

గిరాకీ రాకపాయే..

మా బేగరి బతులకు జర

దారి చూపు దొర..

సరిత

19.11.2020