పెద్ద మనుషులు - పెద్ద చదువులు -Raavan Paul Khan.MD

             పెద్ద మనుషులు - పెద్ద చదువులు

సమాజంలోని కలిసివచ్చే పరిస్థితులలో
జీవితంలోని మానవత్వంను మట్టిలో కలిపేసి
బ్రతుకు బ్రతికించు అనే నానుడి వదిలేసి
చిన్న నా పొట్టకు శ్రీరామరక్ష అని సమర్థించుకుని
అహంకారాన్ని, అత్యాశని, ఆడంబరాన్ని, రాక్షసత్వాన్ని సంపాదించుకుని
మన అనే వాళ్ళని మోసం చేసి
తెలివితేటలు అని దానికి పేరు పెట్టేసి
ఊరిలోని పని చేతకాని వారిని, పనికిమాలిన వారిని
మందు బాబులను, మానవత్వం లోపించిన వారిని ప్రోగు చేసి
మంచితనం, మానవత్వం, కుటుంబ బాంధవ్యాలతో, సెంటిమెంట్లకు లోబడి బలహీనులైన వారందరినీ
బెదిరించి, భయపెట్టి ఊరిలోనే డబ్బున్న వాళ్ళకు
అబద్ధపు బూటకాలు, మాయమాటలు చెప్పి
అవసరమైతే నాలుగు గోడల మధ్య వాళ్ల కాళ్లు పట్టుకొనైన తన వైపు తిప్పుకొని
అందరూ ఉన్నప్పుడు పెద్ద గొంతుతో అరచి
భయబ్రాంతులకు గురి చేసి
అవినీతి అధికారులకు కుంభాలు-కుంభాలు తినిపించి
ఎమ్మార్వో ఆఫీస్ లో, ఎంపీడీవో ఆఫీసులో, 

పోలీస్ స్టేషన్లో , పార్టీ ఆఫీసులలో
మేము ఏదైతే చెబుతాము అదే చెల్లుతుందని
లేదంటే మేమంతా కలిసి మీకు వ్యతిరేకంగా అయినా  సాక్ష్యం చెబుతామని
ఊరిలోని సన్నకారు రైతులను, చిన్న కులం వారిని బెదిరించి,
భయబ్రాంతులకు గురి చేసి తలలు ఎగరేసి తిరుగుతూ
తక్కువ కులం వారు తక్కువ మోతాదులోనే ఆస్తులు సంపాదించుకుంటూ
క్రింది స్థాయి లోనే బ్రతకాలని ప్రవచనాలు చెబుతూ,
ఏ కులం వారు ఎక్కడ ఉండాలో తెలుసుకోవాలని
 నీతి బోధనలు చేస్తూ,
చెవిలో పూలు పెట్టి సాగనంపే సంప్రదాయాన్ని
తు.చ.తప్పకుండా పాటిస్తూ
ఒకవేళ ఎవరికైనా కోపం వచ్చి ఎందుకు అని ప్రశ్నిస్తే
రోడ్డుమీద కట్టెలు వేశారని,
పొలాల్లో అడ్డదారి కి పోతున్నారని,
కొలాయి దగ్గరే ఉంటారని ,
నోటికి వచ్చిన కేసులన్నీ పెట్టించి
లంచగొండి కానిస్టేబుల్ తో, పంచాయతీ సెక్రెటరీ లతో
చివాట్లు పెట్టించి అవి చాలవని
నీ పొలము కు సక్కగా ఉన్నా పొలమంతా 

వారిదే అయినా నీకే వచ్చేలా చేస్తామని
దాయాదులకు ఆశ పెట్టి, రెచ్చగొట్టి
కింది తరగతి అధికారులతో చేతులు కలిపుకొని
ఎదురుతిరిగిన కుటుంబంలోని వారిపై
వివిధ కేసులు పెట్టి ,పెట్టించి 

పోలీసు స్టేషన్లకు పిలిపించి
పోలీసు కానిస్టేబుల్ తో పిచ్చి పిచ్చి ప్రశ్నలు అడిగించి
 బెదిరించ సాగె.
న్యాయం చేయవలసిన ఎస్.ఐ, సి.ఐ లు కూడా
ఏమి జరిగిందో వినకుండానే
ఈ గొడవ లో ఎవరూ గట్టిగా అరవకూడదు, ఒకవేళ అరిస్తే
లోపలేసి కుమ్మెయ్ అని కానిస్టేబుల్ కి ఆదేశాలు ఇచ్చి
చూసీచూడనట్టు మబ్బుఎక్కిన మనిషి వలె  జారుకునే.
ఆ కానిస్టేబుల్ రెచ్చిపోయి 

ఎవడు డబ్బులు ఎక్కువ ఇస్తే వారికే మద్దతునిస్తూ
వారి మాటలే వింటూ న్యాయం ను వదిలేసి
చేతనైనంత తినేసి చివరకు ఎత్తివేసే చేతులు 

ఈ భాధ గాథను రాజకీయ నాయకులకు , 

వివిధ సంఘాలకు  చెబుదామని వెళితే 

వారేమో మళ్ళీ ఊరిలో ఉన్న 

అగ్ర కులంలో పుట్టి అడ్డదిడ్డంగా 

వ్యవహరించే వారినే అడిగిండ్రు

వారేమో అధికార పక్షం వాళ్లకు ప్రతిపక్షం వాళ్ళని 

ప్రతిపక్షం వాళ్లకు అధికార పక్షం వాళ్ళని

చెప్పి ఏ అండదండ లేకుండా చేసిరి.
ఈ వింతను ఊరిలోని పెద్దమనుషులు
వారికి ఎదురు తిరిగిన వారికి
జరిగిన గుణపాఠంగా అభివర్ణిస్తూ
చిన్న కులాల వారిని సమర్థించిన అందరిని
బెదిరించి పెద్ద మనుషులు అంతా రాక్షసఓడ లో
 చేసితిరి ఆనందవిహారం ….
ఈ వింతా నిప్పురవ్వు సెగ ను తట్టుకొలేక
మా వాళ్ళందరూ నన్ను అడిగే…..
అవసరానికి మన వాళ్ళని కూడా రక్షించుకోలేని 

నీ పెద్ద చదువు ఉండిననేమి, ఉండకపోయినా నేమి ?????..
నాకు కూడ  అనిపిస్తుంది ఒకొక్కసారి
ఈ చదువు,మంచితనం,మానవత్వం, 

కుటుంబం, శాంతి మొదలైన  అన్ని వదిలేసి 

రౌడీయిజం, రంకతనం, చుక్కతాగి చిందేసి 

అందరిని బెదిరించే ఫ్రెండ్స్ ని సంపాదించుకొని వుంటే
నేను ఎలా ఉన్నా, నావాళ్లు ప్రశాంతంగా ఉండేవల్లేమో……..
ఈ చదువు శాంతం,సహనం, సంస్కారం నేర్పి 

చేతకాని  వాన్ని చేసిపెట్టే….
ముందు జీవితం లో ఇంకేమి కోల్పోవాలసి ఉందో దేవుడా………. అందుకే
చదువు మీద విరక్తి రాక ముందే ఒక సుమార్గముని చూపు మహదేవరా……..మాధవుడా……




- చిన్నమహాదేవుడు